چالاكێن مە
چالاکییا هوشیاریێ ژبۆ قوتابیێن کۆلیژا پەروەردا جەستەیی دەربارەی سەنتەرێ دهۆک ژبۆ پاراستنا ژینگە ه و چیاڤانیێ
ل ڕۆژا پێنچ شه‌مبى ڕێکه‌فتى ١٢ى حوزه‌یرانا ٢٠٢٥ێ چالاکییه‌ک ب ناڤێ "سەنتەرێ دهۆک بۆ پاراستنا ژینگه‌هێ و چیاڤانیێ " ل کۆلێژا په‌روه‌رده‌یا جەستەیی و زانستێن وه‌رزشى ل زانکۆیا دهۆکێ هاته ئه‌نجامدان، ب به‌شداریا قوتابیێن کۆلێژێ و ژماره‌كا که‌سێن گرنگیێ ب ژینگه‌هێ و وه‌رزشێ دده‌ن، د چوارچۆڤێ به‌لاڤکرنا هوشیارییا ژینگه‌هى و هاندانا وه‌رزشێ و چیاڤانیێ ل ده‌ڤه‌رێ.
ئارمانجا ڤێ چالاکییێ ناسکرنا سەنتەرێ دهۆک ژبۆ پاراستنا ژیبگەهێێ و چیاڤانیێ و دیارکرنا ڕۆلێ ئەوی د پاراستنا ژینگه‌ها سروشتى ل ده‌ڤه‌را دهۆکێ و هه‌رێما کوردستانێ ب گشتى، هه‌روه‌سا هوشیارکرن ل سه‌ر گرنگیا تێکه‌لکرنا چالاکیێن وه‌رزشى، وه‌ک چیا ڤانیێ و ب هێزکرنا به‌رپرسیاریا ژینگه‌هى ل ده‌ڤ قوتابیان و گه‌نجان..
و د ئەڤێ چالاکییێدا پێشکێشکرنا نمایشێن ڤه‌دیتنێ هاته ئه‌نجامدان، و داخۆیانێن زانستى ژى ل سه‌ر جۆرێ ژینگه‌هێ ل کوردستانێ، و ئاسته‌نگێن لدەڤ ژینگه‌ها چیایى، ل گه‌ل ڕوونکرن ل سه‌ر جوانیا سروشتێ کوردستانێ و گرنگیا ئەوێ د پشتگریکرنا گه‌شت و گوزارا ژینگه‌هیدا. .
ئە ڤ چالاکیە فورسه‌ته‌کا گرنگه بۆ قوتابیێن کۆلێژێ کو زانیاریێن نوى د بوارێ پاراستنا ژینگه‌هێ د ڕێیا وه‌رزشێ دا وه‌ربگرن، و بهێزکرنا به‌شداریا ئەوان د ده‌ستپێشخه‌ریێن جڤاکىدا کو د بنیاتکرنا ئاینده‌کییا ژینگه‌هی یا به‌رده‌وام و دموومدرێژ دا ڕوڵ هه‌بن.